Wedstryd 2: CPI Hot Shots vs CPI Strikers

Wenner: CPI Hot Shots wen met 19 lopies

Wedstryd Uitslag: CPI Hot Shots 130 / 1 (15.0) CPI Strikers 111 / 1 (15.0)

Oorsig:

CPI Hot Shots begin die eerste beurt sterk, met Eduan Coetzee en Franco Pretorius wat albei onoorwonne 50-talle aanteken. Daarna neem CPI Strikers geleidelik beheer oor nadat die Hot Shots se sterkolwers moes verklaar. Die wedstryd is tot 15 boulbeurte verkort weens die moontlikheid van reën. CPI Strikers het begin om die lopies te beperk, alhoewel hulle net een paaltjie kon laat tuimel. Die doenbare teikentelling van 130 is opgestel.

In die tweede beurt word Erick Klopper vinnig vasgepen voordat hy te veel skade kon aanrig, maar Arnaud Marais het hom nie laat afskrik nie en teken ’n onoorwonne 50-tal aan van 31 aflewerings. Ongelukkig kon die res van die span nie ’n noemenswaardige bydrae lewer nie.

Speler van die Wedstryd: Eduan Coetzee – CPI Hot Shots

LMS Bloem Ster Prestasies:

Kolf:

• Eduan Coetzee *51 (26) – CPI Hot Shots
• Franco Pretorius *50 (33) – CPI Hot Shots
• Arnaud Marais *50 (31) – CPI Strikers

Wedstryd 3: CPI Masters vs Grizzly Roses

Wenner: CPI Masters wen met 1 lopie

Wedstryd Uitslag: CPI Masters 133 / 5 (20.0) vs Grizzly Roses 132 / 3 (20.0)

Oorsig:

CPI Masters open die wedstryd en teken ’n uitdagende 133 lopies aan. Rowan Bezuidenhout was onstuitbaar en slaan sy 50-tal aan van 40 aflewerings. Slegs Piet Lategan het gelyk of hy gaan bystaan met ’n klompie lopies, maar is toe gevang op 32. Gino Vries het twee paaltjies laat kantel wat genoeg was dat hy die speler van die wedstryd kry.

In die tweede beurt was Grizzly Roses mooi op pad om die teiken te jaag, maar daar was duidelik ’n paar somme wat nie heeltemal geklop het nie. Of dit, of hulle benadering was dalk net ’n bietjie té konserwatief. Jayson Jansen teken ’n onoorwonne 50 aan van 34 balle, en Salman Ahmed word uitgehardloop op 37. Grizzly Roses val toe vas soos die laaste boulbeurt nader kruip—maar net een lopie kort om die telling te ewenaar. Interessant genoeg het dit hulle twee paaltjies minder gekos om amper dieselfde telling as die Masters aan te teken.

Speler van die Wedstryd: Gino Vries Grizzly Roses

LMS Bloem Ster Prestasies:

Kolf:

• Rowan Bezuidenhout *50 (40) – CPI Masters
• Jayson Jansen *50 (34) – Grizzly Roses

Wedstryd 4: Bloem Bombers vs Bloem Warriors

Wenner: Bloem Bombers wen met 75 lopies

Wedstryd Uitslag: Bloem Bombers 171 / 5 (20.0) vs Bloem Warriors 96 / 8 (14.1)

Oorsig:

Die eerste helfte van die wedstryd word deur die Bloem Bombers opgewarm. Die betroubare kanonne—Tommy Kock, Alvin Potgieter en Perry Lamprecht—was in die Warriors se visier en is goed onderdruk om nie te veel skade te verrig nie. Dit is toe weereens Jaco van der Merwe wat die kastaiings uit die vuur kom krap deur ’n onoorwonne 53 aan te teken van 36 aflewerings. Bernue van Wyk het later ook ’n handjie bygesit met ’n onoorwonne 44 lopies van ’n skamele 16 balle.

Maar die Bloem Warriors het nie gaan lê nie en laat steeds ’n stewige stryd deurglip deur in die tweede beurt ’n gerespekteerde 171 na te jaag. Die Bombers het egter vir niks teruggestaan nie en maak kort werk van die Warriors—hulle is ruim afgereken vroeg in die 15de boulbeurt. Alvin Potgieter laat twee paaltjies tuimel, en Jaco van der Merwe—steeds “on a roll”—vat nog twee paaltjies in sy drie boulbeurte en hou sommer spasie onder die arm om die speler van die wedstryd-prys ook saam huis toe te neem.

Speler van die Wedstryd: Jaco vd Merwe – Bloem Bombers

LMS Bloem Ster Prestasies:

Kolf:

• Jaco vd Merwe *53 (36) – Bloem Bombers

Wedstryd 5: Grizzly Wolves vs CPI Challengers

Wenner: CPI Challengers wen met 5 paaltjies

Wedstryd Uitslag: Grizzly Wolves 133 / 5 (20.0) vs CPI Challengers 136 / 3 (16.4)

Oorsig:

Grizzly Wolves het ’n taai stryd aan die gang gesit waar lopies met baie moeite aangeteken is. Salman Ahmed teken ’n stadige 30 lopies aan voor hy gevang word, terwyl Gino Vries dalk net bietjie te laat reggemaak het deur ’n onoorwonne 32 lopies van 23 aflewerings aan te teken.

Die CPI Challengers weet teen dié tyd al hoe om die Grizzly Wolves vas te pen, wat hulle in die tweede beurt die geleentheid gegee het om hul ding te doen. CPI Challengers teken toe die nodige lopies aan—bietjie gemakliker—in die 17de boulbeurt. Ongelukkig vir Graham Maguire is hy gevang net twee lopies kort van sy span se enigste 50-tal. Gelukkig was daar ’n Arno Buys wat 39 lopies kon byvoeg voor hy geboul is. Simon Meyers het ook sy staal gewys vir die Grizzly Wolves deur twee paaltjies te neem.

Speler van die Wedstryd: Ashley Shults – Grizzly Wolves

Wedstryd 6: Bloem Dogs vs Pork Swords

Wenner: Pork Swords wen met 40 lopies

Wedstryd Uitslag: Bloem Dogs 96 / 1 (15.0) vs Pork Swords 136 / 2 (15.0)

Oorsig:

Hierdie wedstryd is ook verkort na 15 beurte per kant, en dit is die Pork Swords wat eerste hul stemme dik gemaak het. Ons weet nie wat Tommy Kock dié naweek aangevang het nie, maar die engel van geluk het weer ’n entjie teruggestaan toe hy uitgehardloop is—twee lopies kort van ’n 50-tal. Lucas Oosthuizen het nie daai probleem gehad nie en teken sy onoorwonne 50 aan met 30 aflewerings. Shane Potgieter ry die golf van gemotiveerde lopie-aanteken en klap 31 lopies van slegs 10 aflewerings.

Die Bloem Dogs staar toe ’n stewige teiken van 136 in die gesig—’n telling wat die Pork Swords net twee paaltjies gekos het om te bereik. Johannes Liebenberg het soos ’n kampioen vir die hele beurt gestaan om sy paaltjie te verdedig en, nes Tommy, 48 lopies aangeteken—maar syne was onoorwonne toe die 15de boulbeurt hom ingehaal het. In hierdie spesifieke wedstryd was Joppie se opinie beperk tot dié van ’n speler, en hy is toe gevang op 19 lopies. Alhoewel die Bloem Dogs net een paaltjie verloor het, kon hulle nie die mas opkom om die nodige lopies betyds aan te teken nie.

Speler van die Wedstryd: Lucas Oosthuizen Pork Swords

LMS Bloem Ster Prestasies:

Kolf:

• Lucas Oosthuizen *50 (30) Pork Swords

Wedstryd 7: Great 8 vs UNDERDOGS

Wenner: UNDERDOGS wen met 1 lopie

Wedstryd Uitslag: Great 8 129 / 3 (20.0) vs UNDERDOGS 130 / 8 (19.4)

Oorsig:

Die Underdogs het die spel geopen. Hul tydsberekening was perfek vir hierdie wedstryd, uitsluitlik omdat hul laaste paaltjie geval het—een bal kort voordat hul beurt verstreke was. Duidelik het hulle dalk nie veel gehad om te gee op die dag nie, maar dit het hulle nie gekeer om alles op die veld te los nie. Een van die sterspelers wat die meeste lopies in ’n LMS-wedstryd in ’n lang tyd aangeteken het, was Damian Mulder, wat ’n baie welkome 71 lopies van 46 aflewerings aangeteken het. Die druk wat die Underdogs ervaar het, kan grootliks toegeskryf word aan die boulwerk van Shane Nienaber, wat byna vier beurte geboul het en drie paaltjies laat kantel het.

In die tweede beurt het Carissa Boje ’n soliede vertoning gelewer deur ’n onoorwonne 38 lopies aan te teken—dalk bietjie stadig, maar sonder om sommer ’n paaltjie te oorhandig. Die held wat glo die vorige aand langs ’n kragstasie geslaap het, Shane Nienaber het genoeg energie gestoor om ’n onoorwonne 52 lopies van ’n skamele 23 balle te moker.

Die geluk wat ander spanne kortgekom het, is opgespoor. Dit het daar gestaan en hande geklap by die Underdogs, aangesien hulle daarin geslaag het om Great 8 se lopies net-net genoeg te beperk om die wedstryd met ’n skamele lopie te wen.

Speler van die Wedstryd: Shane Nienaber – Great 8

LMS Bloem Ster Prestasies:

Kolf:

• Damian Mulder *71 (46) – UNDERDOGS
• Shane Nienaber *52 (23) – Great 8

Boul:

• Shane Nienaber 3 Wickets – Great 8 (Enigste persoon wat 3 paaltjies neem op die dag)

Wedstryd 8: Good Fellas vs CPI Bom Squad

Wenner: CPI Bom Squad wen met 24 lopies

Wedstryd Uitslag: Good Fellas 119 / 5 (20.0) vs CPI Bom Squad 143 / 3 (20.0)

Oorsig:

Die eerste beurt is deur die CPI Bom Squad oorheers toe hulle ’n teiken opgestel het waarby die Good Fellas nie kon uitkom nie. Benco Olivier en NP Hugo het albei onoorwonne 50-talle aangeteken.

In die tweede beurt was Jacques Cremore goed op dreef voordat hy uit sy kampie gevang is met 43 lopies agter sy naam. Die res van die span se pogings het nie veel lopies opgelewer nie—moontlik weens die druk van NP Hugo se boulwerk, wat twee paaltjies in vier beurte laat tuimel het. Hy het slegs 28 lopies afgestaan, en saam met sy 50-tal het dit vir hom die speler-van-die-wedstryd-toekenning besorg.

Speler van die Wedstryd: NP Hugo CPI Bom Squad

LMS Bloem Ster Prestasies:

Kolf:

• Benco Olivier *50 (38) CPI Bom Squad
• NP Hugo *52 (39) CPI Bom Squad