LMS Bloem Wedstryd 1: Kovsies 1 vs Grizzly Roses

Wenner:	Grizzly Roses wen met 5 paaltjies
Uitslag:	Kovsies 1 126/4 (20.0) Grizzly Roses 127/3 (17.4)
Speler van die Wedstryd:	Jayson Jansen | Grizzly Roses
Sterpresteerder met die Kolf:	Luan Vermeulen *51 (40)

Oorsig:

Kovsies 1 open die wedstryd, maar dit is net Luan Vermeulen wat gevaarlik lyk om ’n 50-tal aan te teken. ’n Skamele 126 lopies word aangeteken, maar met Jayson Jansen wat 46 lopies in die tweede beurt aanteken, wen die Grizzly Roses die wedstryd in die 18de boulbeurt.

LMS Bloem Wedstryd 2: CPI Strikers vs CPI Crusaders

Wenner:	CPI Crusaders wen met 5 paaltjies
Uitslag:	CPI Strikers 142/0 20.0) CPI Crusaders 143/3 (16.4)
Speler van die Wedstryd:	Wayne Smith | CPI Crusaders
Sterpresteerder met die Kolf:	Jaco Venter *51 (36) Ulrich Campher *50 (38) Wayne Smith *50 (31)

Oorsig:

Die wedstryd lyk aanvanklik baie gelykop, met slegs 7 punte die verskil tussen die twee spanne. CPI Strikers trek weg met ’n vaart, met Jaco Venter en Ulrich Campher wat albei ’n onoorwonne 50-tal aanteken. Geen paaltjies word in die eerste beurt geneem nie.
In die tweede beurt draai NP Hugo die skroewe op die Strikers deur twee paaltjies te neem, maar Wayne Smith teken steeds sy 50-tal aan en wen die speler van die wedstryd-toekenning. Kyle Pretorius doen ook goed voordat hy uitgeboúl word op 48 lopies. CPI Crusaders “cruise” na die wenstreep in die 17de boulbeurt.

LMS Bloem Wedstryd 3: Kovsies 1 vs Grizzly Wolves

Wenner:	Kovsies 1 wen met 36 lopies
Uitslag:	Kovsies 1 161/2 (20.0) Grizzly Wolves 125/6 (20.0)
Speler van die Wedstryd:	Juan Maree | Kovsies 1
Sterpresteerder met die Kolf:	Samu Lephoto *50 (35) Luan Vermeulen *50 (38)

Oorsig:

Kovsies 1 wys tande en trek weg deur Samu Lephoto en Luan Vermeulen in te stuur om vinnige 50-talle te slaan, met Juan Maree kort op hul hakke voor hy deur Brenden Maans uitgehardloop word. Dit blyk genoeg lopies te wees, want Grizzly Wolves kon nie dieselfde kolftempo handhaaf in die tweede beurt nie. Salman Ahmed het probeer, maar is op 45 lopies deur Wium Erasmus uitgehardloop. Daarna het die skip vir Grizzly Wolves begin sink.

LMS Bloem Wedstryd 4: Bloem Warriors vs CPI Hot Shots

Wenner:	CPI Hot Shots wen met 41 lopies
Uitslag:	Bloem Warriors 142/6 (20.0) CPI Hot Shots 183/4 (20.0)
Speler van die Wedstryd:	Franco Pretorius | CPI Hot Shots
Sterpresteerder met die Kolf:	Franco Pretorius *50 (39)

Oorsig:

Met 45 punte wat die twee spanne op die punteleer skei, was baie lopies van die begin af verwag. CPI Hot Shots open die wedstryd en teken ’n uitdagende 183 lopies aan, meestal deur Franco Pretorius wat weer op sy stukke is en ’n onoorwonne 50-tal aanteken. Dylan Frances, Eduan Coetzee en Werner Rembold was goed op koers voor hul paaltjies geval het. Die meeste van die vernietigende boulwerk het gekom van Ronaldo Schoonwyk, wat 2 paaltjies geneem het.
In die tweede beurt wys die Bloem Warriors dat hulle nie gaan terugstaan nie, met Ugan Crotz wat goed doen met 43 lopies, maar dit is Marius Nienaber wat ongelukkig sy beurt moes eindig op 49 lopies. Sy ongeluk weerspieël in die geringe lopies wat deur die res van die span aangeteken word.

LMS Bloem Wedstryd 5: CPI Challengers vs CPI Masters

Wenner:	CPI Challengers wen met 9 lopies
Uitslag:	CPI Challengers 169/3 (20.0) CPI Masters 160/4 (20.0)
Speler van die Wedstryd:	Arno Buys CPI Challengers
Sterpresteerder met die Kolf:	Naude van Biljon *50 (32) Arno Buys *50 (28) Rowan Bezuidenhout *50 (42) Seth Fledermaus *55 (27)
Sterpresteerder met Boul:	Jaco Venter 3 Paaltjies

Oorsig:

Vir eens was die voorspelling op grond van die logstandings redelik akkuraat. Slegs 10 punte het die twee spanne van mekaar geskei, so ’n gebalanseerde stryd met ’n klein voordeel aan die bokant van die punteleer (CPI Challengers) was verwag.
Die wedstryd word deur CPI Challengers aan die gang gesit, en dadelik slaan Naude van Biljon vir homself ’n onoorwonne 50-tal los. Jaco Venter neem al drie die CPI Challenger-paaltjies wat geval het. Ná Van Biljon se sege sleep die Challengers bietjie voet, totdat Arno Buys regmaak met ook ’n onoorwonne 50.
In die tweede beurt slaan CPI Masters terug met Rowan Bezuidehout en Seth Fledermaus wat albei hul onoorwonne 50-talle aanteken. Nadat hulle verklaar het, kon die res van die span nie die nodige lopietempo handhaaf nie en val die teiken kort met ’n skamele 9 lopies.

LMS Bloem Wedstryd 6: Pork Swords vs Great 8

Wenner:	Pork Swords wen met 19 lopies
Uitslag:	Pork Swords 137/4 (20.0) Great 8 118/5 (20.0)
Speler van die Wedstryd:	Alvin Potgieter | Pork Swords
Sterpresteerder met die Kolf:	Alvin Potgieter *51 (30) Danie Ferreira *50 (45)

Oorsig:

Met Great 8 wat net 2 van hul 7 wedstryde gewen het, het dit gelyk of Pork Swords hierdie wedstryd vroeg-vroeg in die sakkie sou hê. Die punteverskil is 18, so groot verskille was verwag. Maar die werklikheid het anders gelyk as wat die statistieke voorspel het.
Pork Swords plaas ’n uitdagende telling van 137 aan die bord, terwyl Great 8 gesukkel het teen goeie boul- en veldwerk. Slegs Alvin Potgieter kon daarin slaag om ’n onoorwonne 50-tal aan te teken. Regard Vorster is skoon terug paviljoen toe met ’n nuwe goue eendjie.
In die tweede beurt slaan Great 8 terug met Danie Ferreira wat ’n stewige fondasie lê met ’n onoorwonne 50. Die vier paaltjies wat Pork Swords geneem het, is eweredig gedeel tussen vier van hul sewe boulers. Ongelukkig word Ferreira se gelêde fondasie slegs deur Tiaan Nienaber benut tot hy deur Lucas Oosthuizen uitgehardloop is. Great 8 oorleef die tweede beurt met nog drie paaltjies staande en ’n halfgeboude muurtjie reg vir ’n Pork Sword-oorwinningspartytjie.

LMS Bloem Wedstryd 7: CPI Bom Squad vs UNDERDOGS

Wenner:	CPI Bom Squad wen met 108 lopies
Uitslag:	CPI Bom Squad 184/1 (20.0) UNDERDOGS 76/8 (16.2)
Speler van die Wedstryd:	Callie Potgieter | CPI Bom Squad
Sterpresteerder met die Kolf:	Callie Potgieter *50 (35) Jean de Meyer  *50 (38) Jacques Jacobs *51 (21)

Oorsig:

Met 27 punte wat die twee spanne van mekaar skei, was ’n opwindende wedstryd op die kaarte. Beide spanne het 7 wedstryde gespeel, maar CPI Bom Squad het slegs een keer verloor, terwyl Underdogs al vyf keer verloor het en dit as niks nuuts sien nie. Nietemin daag Underdogs elke keer op om hul opponente opdraand te gee.
CPI Bom Squad ruk byna die dam onder die eend uit en trek weg met Callie Potgieter, Jean de Meyer en Jacques Jacobs wat elk onoorwonne 50-talle aanteken. Hulle teken 184 aan en glo dit is buite bereik van die Underdogs.
In die tweede beurt beperk die Bom Squad die lopies so goed dat Bennie Lubbe, Callie Potgieter en NP Hugo elk twee paaltjies inpalm. CPI Bom Squad ontplof, en die Underdogs se paaltjies lê vroeg in die 17de boulbeurt in skerwe.

LMS Bloem Wedstryd 8: Good Fellas vs Bloem Dogs

Wenner:	Good Fellas wen met 59 lopies
Uitslag:	Good Fellas 141/3 (20.0) Bloem Dogs 82/8 (14.4)
Speler van die Wedstryd:	Jacques Cremore | Good Fellas
Sterpresteerder met die Kolf:	Wayne Smith *50 (29)

Oorsig:

Met die verskil van die hele puntebord tussen Good Fellas en Bloem Dogs, was daar van vroeg af groot verwagtinge vir hierdie wedstryd.
Vir die Good Fellas doen Wayne Smith weer sy ding deur ’n onoorwonne 50-tal aan te teken. David Cremore dra ook goed by met 43 lopies om ’n uitdagende telling van 141 op te sit.
In die tweede beurt is Jacques Cremore aan die brand deur drie paaltjies in vier boulbeurte te neem en slegs 12 lopies af te staan. Hy verdien die speler van die wedstryd-toekenning. Bloem Dogs se meeste lopies kom van Quan Louw, wat 30 lopies aanteken voor Albertus Duffield hom uitbou.

LMS Bloem Dokumentêr

As jy nog nie van krieket in die winter gehoor het nie, verduidelik hierdie kort program hoe LMS Bloemfontein die struikelblokke oorkom het om in die winter krieket te speel. Ontmoet ook die steunpilare wat dit moontlik gemaak het.

5. Ons Sport Kalender