LMS Bloem Krieket Gazette – Terugblik op 10 Aug’25

Welkom by nog ’n week se aksie uit die hart van LMS Bloem, waar passie vir krieket en gemeenskapsgees hand aan hand loop. Elke week bring ons spanne saam – van gevestigde Legends tot nuwe talent – om op die veld te wys dat hierdie liga veel meer is as net ’n kompetisie. Hier tel elke lopie, elke vang en elke boulbeurt, want in LMS Bloem is daar altyd ruimte vir ’n verrassing, ’n heldedaad, en daardie onvergeetlike oomblik wat spelers en ondersteuners lank sal onthou.

Teken in by ons Nuusbrief!

DIE LMS BLOEM KRIEKET GAZETTE

Volledige Naweek-oorsig van al 9 LMS Bloemfontein Krieketwedstryde gespeel op Sondag 3 Augustus.

1. LMS Bloem Sondag 10 Augustus Wedstryde

2. LMS Bloem Wedstryd-vir Wedstryd Verslae

Divisie 1

LMS Bloem Wedstryd 1: Bloem Eagles vs CPI Challengers

Skeidsregter: Mohapi

Wenner:	CPI Challengers wen met 50 lopies
Uitslag:	Bloem Eagles 146/4 (20.0) CPI Challengers 196/2 (20.0)
Speler van die Wedstryd:	Naude Van Biljon \| CPI Challengers
Sterpresteerder met die Kolf:	Naude Van Biljon 50 (16) Kyle Pretorius 51 (26)

Oorsig:

CPI Challengers trek weg met hul gewone topklas-vertoning, en Lucas Boucher word betyds gekeer voordat hy te veel skade aanrig. Naude van Biljon voel ook die potensiële druk en speel toe gou klaar met ’n onoorwonne en blitsvinnige vyftigtal in slegs sestien balle. Dylan Frances was ook ’n kolflengte van sy vyftig toe Bennie Lubbe hom been voor paaltjies betrap. Kyle Pretorius voeg toe ook sy onoorwonne vyftig by voordat die eerste beurt, kort voor 200 lopies, tot ’n einde kom.

In die tweede beurt kon Bloem Eagles nie die nodige lopietempo handhaaf nie, maar dit het hulle nie gekeer om die stormloop verkeerd te bewys nie. Met 57 punte tussen die twee spanne op die punteleer sou mens nie dink dat die Eagles, in die 9de plek, veel terug kon antwoord nie. Tog het die Bloem Eagles hulle spel gelig en ’n goeie vertoning gelewer. Die CPI Challengers gooi alles wat hulle kan na die Eagles, sodat 10 ekstras hul pad na die puntebord gemaak het. Lopietellingsgewys het Bennett Swart net twee lopies gekort vir sy vyftigtal voordat die tweede beurt tot ’n einde gekom het. CPI Challengers se 50-lopie-oorwinning delf egter in die skadu van die hart waarmee die Bloem Eagles gespeel het.

LMS Bloem Wedstryd 2: CPI Masters vs Bloem Bulldogs

Skeidsregter: Ayanda

Wenner:	CPI Masters wen met 45 lopies
Uitslag:	CPI Masters 189/3 (20.0) Bloem Bulldogs 144/6 (20.0)
Speler van die Wedstryd:	Jacques Van Staden \| CPI Masters
Sterpresteerder met die Kolf:	Jacques Van Staden 51 (27) SW Louw 51 (31) Tamin Alam *94 (59)
Sterpresteerder met Boul:	Jacques Van Staden 4 paaltjies

Oorsig:

Volgens die punteleer was daar 52 punte verskil tussen derde van bo (CPI Masters) en derde van onder (Bloem Bulldogs), en die verwagting was vir groot lopietotale. CPI Masters open die wedstryd met planne om die verwagte oorwinning nie teleur te stel nie, soos Jacques van Staden vinnig ’n vyftigtal bymekaar moker. Bloem Bulldogs gee 9 ekstras weg, maar dit is net S.W. Louw wat nog ’n onoorwonne vyftigtal kon byvoeg.

Dit is in die tweede beurt wat die vonke regtig begin spat het. Jacques van Staden vermorsel enige planne wat die Bloem Bulldogs gehad het deur 4 paaltjies in 4 boulbeurte te neem en slegs 16 lopies af te staan. Jaco Venter was net so gevaarlik en neem twee paaltjies, maar die groot oomblik was toe Tamim Alam sy span se trots alleen dra en ’n onoorwonne 94 lopies aanteken.

LMS Bloem Wedstryd 3: CPI Hot Shots vs Grizzly Roses

Skeidsregter: Mohapi

Wenner:	CPI Hot Shots wen met 7 paaltjies
Uitslag:	CPI Hot Shots 144/1 (15.3) Grizzly Roses 142/5 (20.0)
Speler van die Wedstryd:	Eduan Coetzee \| CPI Hot Shots
Sterpresteerder met die Kolf:	Eduan Coetzee 53 (22) Franco Pretorius 53 (41)
Sterpresteerder met Boul:	Eduan Coetzee 3 paaltjies

Oorsig:

Met ’n enkele punt verskil tussen die twee spanne op die punteleer sê die statistieke dat hierdie ’n moeilike wedstryd gaan wees. Natuurlik is “moeilik” ’n perspektief wat verskillende uitwerking het op verskillende spelers. Grizzly Roses open die wedstryd, maar Gino Vries is die enigste een wat ’n merkwaardige lopietelling aanteken. Eduan Coetzee vang hom egter op 48 lopies vanaf een van Dylan Frances se balle. Dit was Coetzee se derde belangrike paaltjie wat die guns na CPI Hot Shots laat kantel het.

In die tweede beurt sien die manne in pers net rooi. Dylan Frances, dalk bietjie oorywerig, word op 5 lopies deur Guiller Minnie uitgehardloop. Daarna was die duiwel los. Franco Pretorius en Eduan Coetzee teken onoorwonne vyftigtalle aan, en Werner Rembold rond af om die teikentelling in die 16de boulbeurt te bereik vir ’n uiters skouspelagtige wedstryd.

Teken in by ons Nuusbrief!

LMS Bloem Wedstryd 4: Bloem Bombers vs Kovsies 1

Skeidsregter: Ayanda

Wenner:	Kovsies 1 wen met 5 paaltjies
Uitslag:	Bloem Bombers 138/4 (20.0) Kovsies 1 140/3 (16.0)
Speler van die Wedstryd:	Reuben Maree \| Kovsies 1
Sterpresteerder met die Kolf:	Reuben Maree 53 (25)

Oorsig:

Op die punteleer is dit tweede plek (Bloem Bombers) teen die vyfde plek (Kovsies 1), met 32 punte se verskil. Die eerste beurt skop af met die Bloem Bombers aan die stuur, maar die wedstryd word op ’n krieketveld gespeel – nie op papier nie. Kovsies se Luan Vermeulen en Juan Maree neem elk twee paaltjies deur briljante veldwerk uit te oefen. Dit veroorsaak dat Bloem Bombers nie hul ritme kan kry nie, en ook nie ’n enkele vyftigtal aanteken nie.

In die tweede beurt weerspieël die Bloem Bombers hul eie weergawe van goeie veldwerk. Kovsies 1 sukkel om weg te kom, maar geleidelik begin hulle momentum optel. Weereens blink Jacques van Staden uit en neem met ’n pragtige boulvertoning twee paaltjies. Tussendeur teken Reuben Maree ’n onoorwonne vyftigtal aan, met Muso Mokomela kort op sy hakke op 48 lopies. So wys Kovsies dat statistiek nie alles bepaal nie, en wen die wedstryd in die 16de boulbeurt.

LMS Bloem Wedstryd 5: Bloem Warriors vs CPI Crusaders

Skeidsregter: Ayanda

Wenner:	CPI Crusaders wen met 22 lopies
Uitslag:	Bloem Warriors 159/2 (20.0) CPI Crusaders 181/2 (20.0)
Speler van die Wedstryd:	Erik Klopper \| CPI Crusaders
Sterpresteerder met die Kolf:	Kyle Pretorius 52 (30) Lyle Heilbron 50 (33)

Oorsig:

CPI Crusaders open die wedstryd en dadelik begin Wayne Smith sy merk maak voordat hy vir 48 lopies uitgeboul word. Kyle Pretorius kry dit wel reg om oor die 50-tal lyn te gaan. Die Bloem Warriors-speler wat die Crusaders die meeste laat kopkrap het, was Lyle Heilbron. Heilbron het beide paaltjies geneem, maar het ook die meeste lopies (46) afgestaan in sy vier boulbeurte. Tog teken die CPI Crusaders ’n baie uitdagende totaal van 181 lopies aan.

In die tweede beurt ploeg Lyle Heilbron voort en teken ’n 50-tal aan. Eric Klopper het twee fantastiese boulbeurte geboul en beide Bloem Warriors se paaltjies geneem. Daarna kolf die res van die span nie te sleg nie, maar dit is eers Lawrence de Wet wat weer ’n noemenswaardige aantal lopies aangeteken het. Teen die einde van die wedstryd wen die CPI Crusaders met 22 lopies.

Divisie 3

LMS Bloem Wedstryd 6: Pork Swords vs UNDERDOGS

Skeidsregter: Eddie

Wenner:	Pork Swords wen met 89 lopies
Uitslag:	Pork Swords 155/5 (20.0) UNDERDOGS 66/8 (15.0)
Speler van die Wedstryd:	Alvin Potgieter \| Pork Swords
Sterpresteerder met Boul:	Alvin Potgieter 3 paaltjies “Hat-trick” Jaco Van Der Merwe 3 paaltjies “Hat-trick”

Oorsig:

Terwyl statistieke toon dat die voordeel aan Pork Swords se kant was, sou niemand kon verwag watter goeie boulwerk in hierdie wedstryd sou voorkom nie. Pork Swords kolf eerste en teken ’n uitdagende 155 lopies aan. Niemand teken vyftigtalle aan nie, met die naaste Tommy Kock op 46 lopies voor hy deur Basti Visagie gevang is. Visagie het self twee paaltjies geneem.

Die tweede beurt het vuurwerke laat afgaan met Alvin Potgieter en Jaco van der Merwe wat elk ’n hat-trick geboul het. Dit is ses aflewerings in ’n kort tydjie wat die hele wedstryd kon bepaal. Daarmee moes die Underdogs maar aanvaar dat hierdie dag nie een van die goeies gaan wees nie. Regard Vorster het ook moeilikheid uitgedeel deur in sy twee boulbeurte, een ’n “maiden over” te maak terwyl hy ook ’n paaltjie geneem het. Dit het gehelp dat al die Underdogs se paaltjies in die 15de boulbeurt geval het op 66 lopies.

We’re raising R20,000 by 18 August to bring a professional sponsorship consultant on board. This will help us grow into schools, expand coverage, and make BFN Sport financially sustainable — with real sponsors backing local athletes.

LMS Bloem Wedstryd 7: Bloem Dogs vs Great 8

Skeidsregter: Eddie

Wenner:	Bloem Dogs wen met 56 runs
Uitslag:	Bloem Dogs 147/4 (20.0) Great 8 91/8 (19.1)
Speler van die Wedstryd:	Bennett Swart \| Bloem Dogs
Sterpresteerder met die Kolf:	Bennett Swart *50 (30)

Oorsig:

Bloem Dogs open die wedstryd met ’n vaart soos Bennett Swart sy vyftigtal aanteken. Van daar af was dit egter afdraande vir die Bloem Dogs soos elke speler minder lopies aanteken. Tog, teen die einde van die beurt, het die Bloem Dogs ’n kompeterende 147 lopies aangeteken.

Nou, ons weet Great 8 is gewoonlik dodelik met hul veld- en boulwerk, maar hierdie keer is dit die tweede beurt – hulle moet kolf, wat nie hulle sterkpunt is nie. Tussen Bennett Swart, Christo Lotz en Christiaan Bertram neem elk twee paaltjies om Great 8 se skippie te laat sink. Great 8 oorleef byna die tweede beurt, maar hul laaste paaltjie val in die laaste boulbeurt op 91 lopies.

LMS Bloem Wedstryd 8: CPI Bom Squad vs Good Fellas

Skeidsregter: Eddie

Wenner:	Good Fellas wen met 4 paaltjies
Uitslag:	CPI Bom Squad 109/7 (20.0) Good Fellas 110/4 (15.3)
Speler van die Wedstryd:	Edgar Smith \|Good Fellas
Sterpresteerder met die Kolf:	David Cremore *50 (30)
Sterpresteerder met Boul:	Edgar Smith 4 paaltjies “Hat-trick” Bennie Lubbe 3 paaltjies

Oorsig:

’n Klipharde wedstryd was op die kaarte met die top-divisie-3-spanne wat teen mekaar speel. CPI Bom Squad kolf eerste, en in hierdie wedstryd het Arthur Kruger dit aangepak met die doel om die Legends-vlak te behaal in die Legends-program. Op 100 000 punte skuif spelers in by die Legends-vlak in, wat wys hoeveel toewyding LMS-krieketspelers aan hierdie liga toon. CPI Bom Squad het baie teenspoed in die laaste paar wedstryde ervaar, met slegs N.P. Hugo wat binne reikafstand van ’n vyftigtal was. Edgar Smith was aan die brand en boul vir homself nie net ’n hat-trick nie, maar neem in totaal 4 paaltjies.

Kruger teken slegs een lopie aan, so daar is nie veel kolfpunte wat by sy naam gevoeg is nie. As hy nie sy Legends-status in hierdie wedstryd behaal nie, sal hy dit waarskynlik met die volgende een regkry.

P.S.: Shaun Hickley was die eerste Vrystater wat die Legends-vlak behaal het en staan nou op 114 062 punte. Met ’n gemiddeld van 300 LP-punte per wedstryd kan jy die Legends-vlak in 334 wedstryde bereik.

In die tweede beurt is Good Fellas nie gepla oor sulke dinge nie, en David Cremore trek weg om sy onoorwonne vyftig aan te teken. Daarna was geen noemenswaardige tellings aangeteken nie, maar hulle het wel genoeg aangeteken om die wedstryd in die 16de boulbeurt te wen.

Junior Divisie

LMS Bloem Wedstryd 9: Inferno Juniors vs Frostbite Juniors

Skeidsregter: Ian

Wenner:	Inferno Juniors wen met 5 paaltjies
Uitslag:	Inferno Juniors 150/3 (18.4) Frostbite Juniors 149/3 (20.0)
Speler van die Wedstryd:	Gerhard Malherbe \| Inferno Juniors
Sterpresteerder met die Kolf:	Sias Visagie 51 (25) Gerhard Malherbe 51 (25)

Oorsig:

Die helde van môre was uiteindelik weer geboek vir ’n wedstryd, en dié het om 14:30 op Universiteit-krieketveld 1 begin, met Frostbite Juniors wat eerste kolf. Sias Visagie blink weer uit deur ’n onoorwonne vyftigtal in so min as 25 balle aan te teken. Die res van die spelers het genoeg lopies aangeteken om die teikentelling redelik uitdagend te maak.

In die tweede beurt was Inferno Juniors se wegtrek aanvanklik bietjie hakkerig, totdat Johannes Marais en Gerhard Malherbe aan die kolf kom. Malherbe teken ’n onoorwonne vyftig aan en gaan huis toe met die speler-van-die-wedstryd-toekenning.

3. LMS Bloem Hoogtepunte van die Naweek

14 vyftigtalle is aangeteken.
3 spelers teken hat-tricks aan.
2 spelers neem 4 paaltjies.
Kovsies 1 vs Bloem Bombers het die meeste aksie gehad, met Kovsies 1 wat statistiek-voorkeure verkeerd bewys.
Naude van Biljon teken ’n (die vinnigste) onoorwonne 51 lopies van slegs 16 balle aan.

4. Afsluiting & Motivering

Al die wedstryde van die week het weer gewys dat krieket in ons liga nie net oor wen of verloor gaan nie, maar oor die trots, sportmangees en harde werk wat elke speler inbring. Van blitsvinnige vyftigtalle tot hat-tricks wat die hele spel omdraai, het elke wedstryd sy eie storie gehad – en elke span het ’n bydrae gemaak tot ’n naweek vol opwinding. Wat veral uitstaan, is dat statistiek en punteleerposisies nooit die hele prentjie vertel nie. ’n Span kan altyd verras, en individuele spel kan die hele wedstryd se momentum verander.

Mag hierdie week se uitslae vir elke speler en ondersteuners ’n herinnering wees dat elke lopie, elke vang, en elke boulbeurt saak maak. Hou aan om jou spel te slyp, jou spanmaats te ondersteun en die veld met selfvertroue te betree. Die volgende wedstryd is ’n nuwe kans om jou merk te maak – of jy nou jou eerste lopie soek, of op pad is na jou eie Legends-status. Hierdie liga behoort aan almal wat met passie speel.